'n Duifie het vir my gefluister...

om …
vanoggend by die venster uit te kyk.
buite te loop en die son op my gesig te voel.
iemand ’n lief-drukkie te gee.
te glimlag vir ’n vreemdeling.
iets gaafs en onverwags te doen.
te luister.
diep asem te haal.
geduldig te wees.
in die donker te sit en die stilte te geniet..
om meer te gee.

Nie geskenke nie, liefde

.

Bulbine frutescens – Balsemkopiva

Tuinmaak is een van die groot plesiere van die lewe vir my. Om in 'n stukkie grond rond te vroetel is hemels. En daar's niks beter as die reuk van nat grond na 'n lekker reënbui nie.

‘n Inheemse en pragtige en vrolike plant vir jou tuin wat oulike randplante, asook houer plante, maak is Bulbine frutescens of Balsemkopiva. Die plantjie groei maklik en alhoewel ek myne as saailinge gekoop het, kan jy eenvoudig ‘n stukkie in die grond druk en omtrent drie weke later het jy ‘n nuwe plantjie.

Balsemkopiva plantjies benodig nie baie water nie, hulle is waterslim plante en hulle oorleef ook taamlike swaar ryp redelik maklik. Hulle kan oorleef op baie droë gebiede en hou van vol son. Boonop lok hulle ook baie bye en skoenlappers na jou tuin.

Dis ‘n eg Suid Afrikaanse plantjie met baie medisinale waarde. Die blaarsap word gebruik vir onder andere sere, skrape, gebarste lippe, aknee, liddorings, omlope en insek bytplekke. Met tuinwerk is dit onvermydelik om soms skrape en steke op te doen, dan pluk ek sommer 'n blaartjie (of stengel) en smeer die sap aan die wond. Dit is ook wonderlik vir koorsblare, aknee, brandwonde, skaafmerke, waterblase, gebarste lippe en gebarste vingerpunte.

Kom oorspronklik in die Vrystaat, KwaZulu-Natal en dele van die Kaap voor. Die plant groei waar niks anders wil groei nie en is boonop droogte-, hitte-, lugbesoedeling- en rypbestand.

Ander name : geelkatstert, katstert, kankerbossie en, in die volksmond, ook as snotbossie, weens die slymerige jel tussen die blare.

.

Saterdaggedagtes

'n Yskou Saterdagoggend hier in Tarlton (Gauteng, Suid Afrika) en vandag...

wil ek graag 'n mooi gedig of boek lees

wil ek graag 'n mooi prentjie sien

wil ek graag inspirerende musiek luister

wil ek graag iemand merkwaardig ontmoet

wil ek graag 'n paar verstandige woorde sê

en

wil ek graag my motorhuis regpak

::

Aloe ferox splendour

My aloes (this is Aloe ferox, also known as Bitter aloe) have started flowering and I'm beside myself with joy! Two seasons ago I had no flowers, an early frost annihilated the lot just as the buds started. I actually know what the problem is - since I planted them 7 years ago, the trees surrounding them have grown huge, resulting in a lot of shade. So I have two options - cut down the trees (no ways!) or move the aloes to full sun, which is going to be a huge task. As you can see from the photo below, taken this past summer, they are very big and I'm not looking forward to this mammoth task. Wouldn't it be easier to lose them (sob, sob!) and just plant new ones in a sunny spot...?

This hardy plant is indigenous to South Africa, and with its succulent leaves can survive the harshest conditions. When damaged by man or animal, the plant seals off any wound with a sticky, dark liquid that prevents infestation by virus, fungus or insect. This dark liquid has been successfully used by ancient inhabitants as a traditional remedy for many ailments.

.

Lied van die natuur

'n Paar woorde in een van my Natuur-Joernale... 

Om 'n Natuur-joernaal aan te hou is een van die groot vreugdes in my lewe. Hier bewaar ek herinneringe uit my tuin en die natuur, maak ek notas van belangrike dinge en gebeurtenisse en gee ek vrye teuels aan my gedagtes en verbeelding. Mooi natuur-gedigte word hier vasgeplak tesame met sketse, mooi prentjies en drome. 

:: 

Luister na die geluid van reëndruppels op ‘n sinkdak 

Die lied van paddas wat saamsing in ‘n koor 

Luister hoe die wind ‘n boom laat kreun en kraak 

Dis die lied van die natuur wat jy daar hoor

Daar is musiek oral om ons heen

En al wat jy moet doen is om te luister

Somtyds die ore spits

Want baiemaal is die liedjie net ‘n fluister

Soos ‘n bries wat speel oor ‘n koringland

‘n Kriekekoor op ‘n warm someraand

Luister laat die geluide jou bekoor

Want dis die lied van die natuur wat jy daar hoor

Aan die punt van die vallei hoog in die berge 

Woon daar ‘n eggo alleen in ‘n klipspelonk 

Elke liedjie wat hy hoor sal hy uitkoggel 

Hy doen dit meesterlik vanuit sy tronk 

Gesing deur : Laurika Rauch. Woorde en Musiek: Johan Wessels (Kupido) 

::

 .

Laventel kerse in ou teekoppies

Foto

Antieke teekoppies wat hul pierings verloor het, kan oulike geskenkies maak as hulle in kershouers verander word - Ek het op hierdie oulike idee by Everything Fabulous afgekom - gaan na hulle webwerf om al die foto's te sien van hoe om dit te doen, dit lyk vreeslik maklik!

Wat jy nodig het:

- Gompistool
- Kerstermometer (of gebruik die tipe wat ’n mens gebruik wanneer jy suiker smelt vir lekkergoed)
- Draadpit met waks om, en ’n knippie/plaatjie
- Roomwaks of gebreekte ou kerse
- Knippe waarmee jy sakkies verseël, of bamboesstokkies
- Geursel vir kerse (laventel essential olie, nie die geur-tipe nie)
- Antieke teekoppies (of enige ander houer waarvan jy hou, selfs ou bottels kan gebruik word)
- Dubbelkoker (die belangrike ding is dat die water nie aan die glashouer moet raak nie)

1. Gooi water in die dubbelkoker, sny die waks in stukke en plaas dit binne-in die houer. Haak die termometer aan. Draai die plaat op hoë hitte.

2. Gebruik die gompistool om die draadkern-kerspitknippie onder in die houers wat jy gebruik, vas te gom.

Foto

3. Laat die kerspit van ‘n stokkie afhang sodat dit mooi reguit is. Jy kan ook 'n knippie waarmee sakke verseël word, gebruik om die kerspit vas te knyp. Dit moet net lank genoeg wees.

4. As die waks eers gesmelt het en tot omtrent 83°C verhit is, verwyder van die hitte en voeg kleur by. Wag tot dit tot 80°C afkoel om geursel by te voeg.

5. Giet die waks in elke houer en maak seker dat die kerspit op sy plek bly. Gaan die houers gereeld oor die volgende halfuur of so na om seker te maak die kerspitte skuif nie.

En voilà!

::

My eie stukkie paradys

Dit verbaas my altyd hoe gelukkig my tuin my maak. Hoe belangrik dit vir my is...

Ek is gegrond hier, in my eie stukkie paradys.

 Jy sou lag as jy dit moet sien, dis gladnie 'n perfekte paradys nie! Inteendeel, heeltemal die teenoorgestelde. Dis 'n gebrekkige weergawe wat tyd en geduld nodig het om die skoonheid te sien. 'n Effense wilde, ongetemde weergawe wat my aan die wonder hou. 

Moeder Natuur verspil geen tyd om terug te neem wat hare is wanneer jou rug gedraai is nie. 

Vol geheime en kleinode, modder en bloeisel, dorings en varings. Vol lewe. Selfs in winter.

Maar noudat ek daaraan dink, dalk IS dit tog heeltemal perfek... 

::

Winter - Hoor die blomme en die blare...

'Hoor die blomme en die blare 

bewend van die winter praat, 

doodgedoemde martelare, 

siek en van die son verlaat. 

O, bly by my, beminde teer, 

dan bloei in my die somerblomme weer.' 

- Onbekend 

'n Brawe veldblommetjie op ons kleinhoewe. Selfs die ysige paar dae wat ons nou ondervind kannie die lewenslus van hierdie pragtige blommetjies demp nie! 

::